Felipe Melo: Dani Alves dhe Robinho duhet të burgosen, nëse do i ndodhte vajzës sime do merrja hak personalisht

08:51 | 28 Mars 2024
D.H

Ish-mbrojtësi i Interit dhe Juventusit që tashmë luan me Fluminensen në Brazil, Felipe Melo ka folur së fundmi për dy ish-lojtarë brazilianë të cilët kanë kryer vepra të rënda siç është përdhunimi.

Në një prononcim të bërë për mediat, Melo u deklaruar publikisht kundër Dani Alves dhe Robinhos, të dy autorë në përdhunime.

“Dani Alves dhe Robinho duhet të bëjnë burgu, pasi e meritojnë! Ata duhet të paguajnë pasojat e veprimeve të tyre. Nuk më intereson se sa të famshëm janë apo se janë brazilianë si unë. Unë kam një vajzë 15 vjeçe dhe si baba e kuptoj se sa dhimbje të madhe shkaktojnë akte të tilla kriminale. Nëse unë do isha në vendin e baballarëve të atyre vajzave që janë përdhunuar, do të hakmerresha personalisht”-deklaroi ai.

Kujtojmë që Alves u lirua nga burgu disa ditë më parë pasi iu pagua dëmshpërblimi prej 1 milion eurosh./Arbresh.info/